بالليل ما اعرفش انام
تدور جوايا شخابيط
ابيض و اسود و الوان
و افتكر اول بنت حبتها
و ضحكتها
و قلبي الي كان بيتها
اتفرج علي صورته
اتوه في عيونها
يا ترا لسا فاكراني
زي ما هي وحشاني
و الوم الزمن الي نساها
ولا نساني
ابوسها في عنيها
و تفضل عيني فضحاني
شعرها يجي علي خدي
امشي ايدي علي راسها
يا اول بنت علي قدي
ماجاش قلبي علي مقاسها
ممكن انام هنا ف قلبك
ده اكتر وقت محتجلك
افضفضلك بأوجاعي
اقولك..نامي علي دراعي
انعس في خيالي وياها
انام احلم برؤياها
و اصحي الفجر ما القاها
اعيد القصة من تاني
و مهما عشقت ناس غيرها
بتفضل هي وحشاني
ليست هناك تعليقات:
إرسال تعليق