بالليل ما اعرفش انام

بالليل ما اعرفش انام

تدور جوايا شخابيط

ابيض و اسود و الوان

و افتكر اول بنت حبتها

و ضحكتها

و قلبي الي كان بيتها

اتفرج علي صورته

اتوه في عيونها 

يا ترا لسا فاكراني

زي ما هي وحشاني

و الوم الزمن الي نساها

ولا نساني

ابوسها في عنيها

و تفضل عيني فضحاني

شعرها يجي علي خدي

امشي ايدي علي راسها

يا اول بنت علي قدي 

ماجاش قلبي علي مقاسها

ممكن انام هنا ف قلبك 

ده اكتر وقت محتجلك

افضفضلك بأوجاعي

اقولك..نامي علي دراعي

انعس في خيالي وياها

انام احلم برؤياها

و اصحي الفجر ما القاها

اعيد القصة من تاني

و مهما عشقت ناس غيرها

بتفضل هي وحشاني

‫‏كيرلس_مجدي

قولي موافقة

قولي موافقة

الشاعر كيرلس مجدى مكسيموس : قصيده قولى موافقه

انتي بالذات كان لازم اقول

اصل جمالك كلك مش معقول

ماكنش ينفع استني

كان لازم اتكلم علي طول

اتقلي و اسكتي

و انا هافضل اعيد وازيد

هو انا يعني يا ستي اطول

اصلك مش شكل و بس

كل حاجة فيكي ملاك

يتشاف بالعين كده ويتحس

نسمتك لما تعدي ترسم فرحة

كل الناس تضحك وتبص

و لما لسانك ينطق كلمة

كلنا هس

نسكت نسمع صوتك

انتي وبس

نفسي اسمعها قولي موافقة

هديكي عمري

و فوقه كادوه قلب و نص

خفة دمي ودمك

تعمل احلي دويتو

قلبي و قلبك يزقطتوا من الفرحة

كده و ينطوا

تتبروز صورتي و صورتك

و طول الوقت قدام عيينا

كدا يتحطوا

وتبقي لقلبي صاحبته...امه

كل قرايبه ويمكن بنته

يالا وافقي نوري عمري

و حلي لقلبي بقي مشكلته

اصله جاوب بيكي

في كل الاوقات لما سألته

قلبي مافيهوش غيرك

وانتي يا قمري كل ما حلته

قولي موافقة

 

للشاعر كيرلس مكسيموس

اضحك من جواك

اضحك من جواك

اعرف انك جي الدنيا..

تقعد شوية و هتموت..

اضحك من جواك..

عيشها مش فارقة معاك..

انسي همومك والي وراك..

صدر كده للهم قفاك..

واحضن كل حاجة عجباك..

ارقص سقف..

دوس بنزين..

و اوعي توقف..

خليك راضي..

عيش كده عادي..

اشغل نفسك لو يوم فاضي..

افرح روق..

حب كل شئ مخلوق..

ماتفكرش في حاجة تضايقك..

خلي جمال الكون كده سايقك..

عيشها امير..

اعلي وطير..

جمب العصافير..

خلي قلبك ليه جناحات..

بيطير في قصور..

يدخل في حارات..

بيحب حاجات..

عايشها سعيد كل الاوقات..

واعرف انك..

انهاردا انا انسان عايش..

بعد يومين انا انسان مات..

Kero magdy

٢٠١٠